உடையார்கட்டில் பிரதி அமைச்சர் நாமல் கருணாரட்ன மக்கள் சந்திப்பு

உடையார்கட்டில் பிரதி அமைச்சர் நாமல் கருணாரட்ன மக்கள் சந்திப்பு

பாலநாதன் சதீசன்

முல்லைத்தீவு – உடையார்கட்டு வடக்கு மைதானத்தில் விவசாயம் மற்றும் கால்நடை வளங்கள் துறைக்கான பிரதி அமைச்சர் நாமல் கருணாரட்ன அவர்கள் நேற்று (04.11.2025) மாலை 5 மணியளவில் வருகை தந்து மக்கள் சந்திப்பை மேற்கொண்டார்.

இந்நிகழ்வில் வன்னி மாவட்ட பாராளுமன்ற உறுப்பினர் திலகநாதன், தேசிய மக்கள் சக்தியின் முல்லைத்தீவு மாவட்ட அமைப்பாளர், மேலும் தேசிய மக்கள் சக்தியின் பிரதேச சபை உறுப்பினர்களான காயத்திரிதேவி, தமிழ்வாணி ஆகியோர் கலந்து கொண்டனர்.

உடையார்கட்டு மற்றும் சுற்றுவட்டார பகுதிகளைச் சேர்ந்த பலரும் இம்மக்கள் சந்திப்பில் பங்கேற்று தங்களின் பிரச்சினைகள், தேவைகள் குறித்து அமைச்சர் அவர்களிடம் முன்வைத்தனர்.

மக்களின் கோரிக்கைகளை கவனித்து அவற்றை தீர்வு காண உறுதியளித்ததுடன், விவசாயம் மற்றும் கால்நடை வளர்ச்சியை மேம்படுத்தும் பல்வேறு திட்டங்கள் குறித்து விளக்கமளித்தார்

வானொலி