Tuesday, October 11, 2022

உலக கிண்ண கால்­பந்­தாட்ட போட்­டியை பார்வையிட 1,600 கிலோ மீற்றர் தூரம் நடந்து செல்லும் இளைஞர்

 



சவூதி அரே­பி­யாவை சேர்ந்த இளைஞர் ஒருவர், உலகக் கிண்ண கால்­பந்­தாட்டப் போட்­டி­களைப் பார்­வை­யி­டு­வ­தற்­காக பாலை­வ­னங்­க­ளுக்கு ஊடாக நடந்து கத்தார் நோக்கி சென்று கொண்­டி­ருக்­கிறார். 33 வய­தான அப்­துல்லா அல்­சுல்மி என்­ப­வரே இந்த இளைஞர் ஆவார்.

இரு மாதங்­களில் 1,600 கிலே­மீற்றர் தூரம் தனி­யாக நடந்து சென்று கத்­தாரை அடை­வ­தற்கு அவர் திட்­ட­மிட்­டுள்ளார்.

சவூதி அரே­பி­யாவின் கிழக்கு எல்லைப் பகு­தியில் உள்ள ஒரு நாடு கத்தார். ஆனால் அப்­துல்லா அல்­சுல்மி, சவூதி அரே­பி­யாவின் மேற்குப் பகு­தி­யி­லுள்ள நக­ரான ஜெத்­தாவைச் சேர்ந்­தவர். அங்­கி­ருந்தே அவர் சவூதி அரே­பி­யாவை கால் நடை­யாக குறுக்­க­றுத்துச் சென்று கத்­தாரை அடை­ய­வுள்ளார்.

பாலை­வ­னங்­க­ளையும் கடந்து செல்ல வேண்­டி­யுள்ள 1,600 கிலோ­மீற்றர் தூரம் கொண்ட இப்­ப­ய­ணத்தை தனி­யா­கவே அப்­துல்லா அல்­சுல்மி மேற்­கொள்­கின்­றமை குறிப்­பித்­தக்­கது.

உலக கிண்ண கால்­பந்­தாட்ட சுற்­றுப்­போட்­டிக்கு சவூதி அரே­பி­யாவும் தகுதி பெற்­றுள்­ளது. உலக கிண்ண கால்­பந்­தாட்ட சுற்­றுப்­போட்டி நவம்பர் 20 ஆம் திகதி ஆரம்­ப­மா­க­வுள்­ளது. இந்­நி­லையில், சவூதி அரே­பி­யாவின் முதல் போட்­டி­யான ஆர்­ஜென்­டீ­னா­வு­ட­னான போட்­டியை நேரில் காண்­ப­தற்கு அல்­சுல்மி திட்­ட­மிட்­டுள்ளார். கத்­தாரின் லுசெய்ல் நகரில் நவம்பர் 22 ஆம் திகதி  இப்­போட்டி நடை­பெ­ற­வுள்­ளது.

கத்தார் உலக கிண்ண கால்­பந்­தாட்ட சுற்­றுப்­போட்டி தொடர்­பான ஊக்­கு­விப்பு நிகழ்ச்­சி­யொன்றை பார்த்துக் கொண்­டி­ருந்­த­போது இப்­ப­ய­ணத்­துக்­கான எண்ணம் தன் மனதில் தோன்­றி­ய­தாக அல்­சுல்மி கூறு­கிறார்.

ஸ்னெப்சாட் சமூக வலைத்­த­ளத்தில் அப்­துல்லா அல்­சுல்­மியை ஆயி­ரக்­கணக்­கானோர் பின்­தொ­டர்­கின்­றனர். அவர்­க­ளுக்­காக தனது இப்­ப­ய­ணத்தை ஆவ­ணப்­ப­டுத்தி வரு­கிறார் அல்­சுல்மி. 

"உலக கிண்ணப் போட்­டி­க­ளுக்கு நாம் ஆத­ர­வ­ளிக்க வேண்டும் என விரும்­பு­கிறோம். உலக கிண்ணப் போட்­டிகள் வெற்­றி­க­ர­மாக நடை­பெற வேண்டும் என விரும்பும் கத்தார் நாட்­டவர் ஒரு­வரைப் போன்றே நான் உணர்­கிறேன்" என அப்­துல்லா அல்­சுல்மி கூறியுள்ளார்.

கனடா, அவுஸ்­தி­ரே­லியா ஆகிய நாடு­க­ளிலும் வசித்த அப்­துல்லா அல்­சுல்மி அந்­நா­டு­களில் நீண்­ட­தூர சாகச நடைப் பய­ணங்­களை மேற்­கொண்­டவர் என்­பது குறிப்­பித்­தக்­கது.

கத்தார் நோக்­கிய பய­ணத்தை தினமும் சூரிய உத­யத்­துடன் அவர் ஆரம்­பித்து காலை 10 அல்­லது 10.30 மணி­வரை நடக்­கிறார். அதன்பின், கடு­மை­யான வெயில் கார­ண­மாக பயணத்தை இடை­நி­றுத்தி பிற்­ப­கலில் மீண்டும் அதை ஆரம்­பித்து சூரியன் மறையும் வரை நடக்­கிறார்.

தினமும் 35 கிலோ­மீற்றர் நடக்க வேண்டும் என்­பது அவரின் இலக்கு. இந்த இலக்கை பூர்த்தி செய்­வ­தற்­காக சில­வே­ளை­களில் இர­விலும் சில மணித்­தி­யா­லங்கள் அவர் நடக்­கிறார்.

தனது பயணப் பொதியின் சுமையை குறைப்­ப­தற்­காக எரி­பொருள் நிரப்பு நிலை­யங்­க­ளுடன் இணைந்த கடை­களில் உணவுப் பொருட்­களை வாங்கிக் கொள்­கிறார். பெரும்­பாலும் சோறு, கோழி­இ­றைச்சி ஆகி­ய­வற்றை அவர் உட்­கொள்­கிறார். 

பள்­ளி­வா­சல்­களில் தனது உட­லையை ஆடை­க­ளையும் அவர் சுத்­த­மாக்கிக் கொள்­கிறார்.

அவரை வழியில் காணும் சவூதி மக்கள் அவரை வாழ்த்தி, சிற்­றுண்­டிகள், பழச்­சா­றுகள் போன்­ற­வற்றை வழங்­கி­யுள்­ளனர்.

உறங்­கு­வ­தற்கு இடம்­தேடி சிர­மப்­பட்­டமை, தனது கூடா­ரத்­துக்கு அருகில் பெரும் எண்­ணிக்­கை­யான தேள்கள் காணப்­பட்­டமை போன்ற அனு­ப­வங்­களும் அவ­ருக்கு ஏற்­பட்­டுள்­ளன.

“சவூ­தியின் ஜெத்­தா­வி­லி­ருந்து கத்­தாரின் தோஹா நோக்கி நடக்­கும்­போது ஒவ்­வொரு 100 கிலோ­மீற்­றர்­களும் வித்­தி­யா­ச­மா­ன­வை­க­ளாக உள்ளன. 

அதாவது, முதல் 100 கிலோமீற்றர் மணல் குன்றுகளாக இருக்கும். அதன்பின் மலைகள் காணப்படும். பின்னர் வெற்று நிலங்கள் காணப்படும். அதன்பின் விவசாயப் பண்ணைகள் இருக்கும். 

இந்த அனைத்து வகையான பிராந்தியங்களுக்கு ஊடாகவும் 2 மாதங்களில் நான் பயணிக்கிறேன் இது. அழகான விடயம்”  என அப்துல்லா அல்சுல்மி தெரிவித்துள்ளார்....





No comments:
Write comments