நான்காவது ஆண்டில் கால்பதிக்கும் புதிய குரல் பத்திரிகையின் சிறப்பு வெளியீடும், அறிமுக விழாவும் அட்டாளைச்சேனையில் இடம்பெற்றது.
நுஜா ஊடக அமைப்பின் தலைவர் எஸ்.எம்.அறூஸ் தலையில் நடைபெற்ற இந்நிகழ்வில் பிரதம அதிதியாக திகாமடுல்ல மாவட்ட பாராளுமன்ற உறுப்பினர் சட்டத்தரணி எஸ்.எம்.எம்.முஷாரப் கலந்து கொண்டு சிறப்பித்தார்.
சிறப்பு அதிதிகளாக திரைப்பட இயக்குனர் ஹஸீன், பாராளுமன்ற உறுப்பினரின் இணைப்பாளர் யூசுப் நியாஸ், சட்டத்தரணி எஸ்.எம்.பைறூஸ், மக்கள் காங்கிரஸ் முக்கியஸ்தர் அஸ்வர் சாலி உட்ட பலரும் கலந்து கொண்டனர்.
புதிய குரல் பத்திரிகையின் பிரதம ஆசிரியரும். நிறைவேற்றுப் பணிப்பாளருமான பஹத் ஏ மஜீத் அவர்களின் மிகச்சிறந்த முன்னெடுப்பில் கடந்த 4 வருடங்களாக இப்பத்திரிகை வெளி வருகின்றது.
இங்கு பாராளுமன்ற உறுப்பினர் சட்டத்தரணி எஸ்.எம்.எம்.முஷாரப் அவர்கள் சிறுபான்மை சமூகத்தின் சமகால அரசியல் நிலைப்பாடுகள் தொடர்பில் நீண்ட உரையொன்றை நிகழ்த்தினார்.
இந் நிகழ்வில் பிரதம அதிதியாக கலந்து கொண்டு சிறப்பித்த
பாராளுமன்ற உறுப்பினர் சட்டத்தரணி எஸ்.எம்.எம்.முஷாரப் அவர்கள் புதிய குரல் பிரதம ஆசிரியர் பஹத் ஏ மஜீத் அவர்களினால் நினைவுச்சின்னம் வழங்கி பொன்னாடை போர்த்திக் கௌரவிக்கப்பட்டார்.
